​Disclaimer :- This story is generated by computerised program and has not been created or edited by Daily Mail Hub. Publisher : VIGADAN

The post A Salt Story | நம் உணவுத்தட்டில் உள்ள உப்பின் கதை | #groundreport | IPS On Road | #40 first appeared on Daily Mail Hub .

தமிழக சட்டசபைக்கான பொதுத்தேர்தல் ஏப்ரல் 23-ம் தேதி நடக்கிறது. அனைத்து மாவட்டங்களிலும் வாக்குப்பதிவுக்கான முன்னேற்பாடுகள், தேர்தல் விழிப்புணர்வு பணிகள், வாக்குப்பதிவு மையங்களில் பணியாளர்களை நியமிக்கும் பணிகள் நடைபெற்று வருகின்றன. ​குமரி மாவட்டத்தில் கன்னியாகுமரி, நாகர்கோவில், குளச்சல், பத்மநாபபுரம், விளவங்கோடு, கிள்ளியூர் ஆகிய 6 சட்டமன்ற தொகுதிகள் உள்ளன.

இந்த தொகுதிகளில் அதிக மலைக்கிராமங்களை உள்ளடக்கியது பத்மநாபபுரம் தொகுதி. மலைக் கிராமங்களில் வசிக்கும் காணி சமூக மக்கள் வாக்களிக்க வசதியாக மலைக்கிராமங்களில் சிலவற்றில் வாக்குச்சாவடிகள் அமைக்கப்படுவது வழக்கம். மலைக்கிராமமான அப்பர் கோதையாறு பகுதியில் நீர் மின் உற்பத்தி நிலையம் செயல்பட்டு வருகிறது. இதில் இன்ஜினீயர்கள், ஊழியர்கள் சிலர் பணிசெய்து வருகின்றனர். அவர்கள் வாக்களிக்க வசதியாக மின் உற்பத்தி நிலைய வளாகத்தில் ஒவ்வொரு தேர்தலிலும் வாக்குச்சாவடி அமைத்து வாக்குப்பதிவு நடத்துவது வழக்கம். பத்மநாபபுரம் தொகுதியின் 1-வது வரிசை எண்ணைக் கொண்ட வாக்குச்சாவடி இதுதான்.

அப்பர் கோதையாறு மின் உற்பத்தி நிலைய வளாகத்தில் உள்ள மனமகிழ் மன்றத்தில் வாக்குச்சாவடி அமைக்கப்படுவது வழக்கம். குமரி மாவட்டம் பேச்சிப்பாறை வழியாக இந்த வாக்குச்சாவடிக்குச் சென்றால் நாகர்கோவிலில் இருந்து 50 கி.மீ. தூரத்தை கடந்தால் அங்கு சென்று விடலாம். ஆனால், கோதையாற்றில் இருந்து சில கிலோ மீட்டர் தொலைவில் வாகனங்கள் செல்ல முடியாது. மின்வாரிய ஊழியர்கள் செல்வதற்காக விஞ்ச் அமைக்கப்பட்டுள்ளது.

விஞ்ச் வழியாக மின்னணு வாக்குப்பதிவு இயந்திரங்கள் கொண்டுசெல்வது சிரமம். அதிலும் ஒரு விஞ்சில் இருந்து மற்றொரு விஞ்சுக்கு மாறி மாறி செல்லும் நிலையும் ஏற்படும். வாக்குப்பதிவு முடிந்து மின்னணு இயந்திரங்களை விஞ்ச் வழியாக இரவில் எடுத்துவர முடியாது. எனவே, கடந்த 20 ஆண்டுகளுக்கு முன்பு வரை வாகனங்கள் செல்லும் பாதை வரை வாக்குப்பெட்டி, வாக்குப்பதிவுக்கு தேவையான பொருட்களை வாகனங்களில் கொண்டு செல்வார்கள். பின்னர் அங்கிருந்து கழுதைகளில் கொண்டு செல்வது வழக்கமாக இருந்தது.

வாக்குப்பதிவு பணியாளர்கள் நடந்து அப்பர் கோதையாறுக்கு சென்று வந்தனர். வாக்குப்பதிவுக்குச் செல்லும்போதும், வாக்குப்பதிவு முடிந்து திரும்பும்போதும் வனவிலங்குகளின் அச்சுறுத்தல்களும் ஏற்படுவது உண்டு. இதனால் கடந்த 2006-ம் ஆண்டு நடந்த சட்டசபை தேர்தலில் இருந்து குமரி மாவட்டம் வழியாகச் செல்லாமல் திருநெல்வேலி மாவட்டம் வழியாக செல்வது வழக்கம்.

நாகர்கோவிலில் இருந்து பணகுடி, களக்காடு, சேரன்மகாதேவி, அம்பாசமுத்திரம், மணிமுத்தாறு, மாஞ்சோலை எஸ்டேட் வழியாக வாகனத்தில் அப்பர் கோதையாறு மின் உற்பத்தி நிலையத்துக்கு மின்னணு வாக்குப்பதிவு இயந்திரங்கள் மற்றும் வாக்குப்பதிவுக்கு தேவையான பொருட்களை ஊழியர்கள் கொண்டு செல்கின்றனர்.

​வாக்குப்பதிவு முடிந்த பிறகு இந்த வாக்குச்சாவடியின் வாக்குப்பதிவு இயந்திரங்கள் மற்றும் அங்கு பணியாற்றும் அதிகாரிகளும், பாதுகாப்பு பணிக்கு செல்லும் போலீஸாரும் குமரி மாவட்டத்தை வந்தடைய நள்ளிரவு ஆகிவிடும். கடந்த பல ஆண்டுகளாக 125 கி.மீ தூரம் சுற்றிச் சென்றடைகிறார்கள். அப்பர் கோதையாறு வாக்குச்சாவடியில் வெறும் 6 வாக்காளர்கள் மட்டுமே உள்ளனர். ஆறு வாக்காளர்களுக்காக 250 கிலோ மீட்டர் சுற்றி வாக்குப்பதிவு இயந்திரம் கொண்டு செல்லப்படுவது ஆச்சர்யமே.!

​Disclaimer :- This story is generated by computerised program and has not been created or edited by Daily Mail Hub. Publisher : VIGADAN

The post குமரி: 6 வாக்காளர்களுக்காக 125 கி.மீ தூரம் பயணிக்கும் மின்னணு இயந்திரம்! ஏன் தெரியுமா? first appeared on Daily Mail Hub .

ஊட்டி, குன்னூர், கூடலூர் (தனி) என மூன்றே‌ மூன்று சட்டமன்றத் தொகுதிகளை கொண்டிருக்கும் நீலகிரியிலும் தேர்தல் களம் சூடுபிடிக்கத் தொடங்கியிருக்கிறது.

நீலகிரி மாவட்டத்தின் தலைநகர் தொகுதியான ஊட்டி சட்டமன்றத் தொகுதியை கூட்டணி கட்சிகளுக்கு ஒதுக்காமல் தி.மு.க, அ.தி.மு.க உள்ளிட்ட கட்சிகள் நேரடியாக களமிறங்க வேண்டும் என அந்தந்த கட்சிகளின் மாவட்ட அளவிலான நிர்வாகிகள் முட்டி மோதி வந்தனர். பல எதிர்ப்புகளையும் மீறி பிரதான கட்சிகளால் ஊட்டி தொகுதி, கூட்டணி கட்சிகளுக்கு ஒதுக்கப்பட்டுள்ளது.

அதேவேளையில் இந்த தேர்தலில் நீலகிரி மாவட்டத்தைப் பொறுத்தவரை தேர்தல் களம் கோத்தகிரியை மையம் கொண்டிருப்பது கவனத்தை ஈர்த்து வருகிறது. குன்னூர் சட்டமன்றத் தொகுதி தி.மு.க வேட்பாளராக கோத்தகிரியைச்‌ சேர்ந்த மாவட்ட செயலாளர் கே.எம். ராஜூ களம் காண்கிறார். குன்னூர் தொகுதியில் அ.தி.மு.க தரப்பில் கோத்தகிரியைச் சேர்ந்த சாந்தி ராமு களமிறங்கியிருக்கிறார்.

அதேவேளையில் ஊட்டி தொகுதி காங்கிரஸ் கட்சி வேட்பாளராக உயிலட்டி ராமச்சந்திரன், ஊட்டி தொகுதி பா.ஜ.க வேட்பாளராக இட்டக்கல் போஜராஜ், குன்னூர் தொகுதி நாம் தமிழர் வேட்பாளர் ஆகியோரும் கோத்தகிரியைச்‌ சேர்ந்தவர்கள் என்பது குறிப்பிடத்தக்கது.

​Disclaimer :- This story is generated by computerised program and has not been created or edited by Daily Mail Hub. Publisher : VIGADAN

The post தேர்தல் 2026: `கோத்தகிரி’யை மையம் கொள்ளும் நீலகிரி அரசியல் களம்!‌ first appeared on Daily Mail Hub .

மத்திய அரசு ஏப்ரல் 16 முதல் 18 வரை நாடாளுமன்றத்தின் சிறப்புக் கூட்டத்தைக் கூட்டத் திட்டமிட்டுள்ளதாகத் தகவல்கள் வெளியாகியிருக்கிது. தற்போது நடைபெற்று வரும் பட்ஜெட் கூட்டத்தொடர் முடிவடைய உள்ள நிலையில், சபையைக் காலவரையின்றி ஒத்திவைக்காமல், ஒரு குறிப்பிட்ட தேதியில் மீண்டும் கூடும் வகையில் மத்திய அரசு முடிவு செய்துள்ளது. தமிழ்நாடு மற்றும் மேற்கு வங்க மாநிலச் சட்டமன்றத் தேர்தல்களுக்கு முன்பாக நாடாளுமன்றம் மற்றும் மாநிலச் சட்டமன்றங்களில் பெண்களுக்கு 33 சதவிகித இடஒதுக்கீட்டை அமல்படுத்தும் நடவடிக்கைகளைத் துரிதப்படுத்துவதோடு, தொகுதி மறுவரையறைப் பணியையும் அமைதியாகத் தொடங்க திட்டமிட்டிருப்பதாக தகவல்கள் தெரிவிக்கின்றன.

குறிப்பாக பெண்களுக்கான 33 சதவிகித இட ஒதுக்கீடு மசோதாவின் மூலம் தற்போது இருக்கும் 543 மக்களவை இடங்களின் எண்ணிக்கையை 816 ஆக உயர்த்துவது என முடிவு செய்யப்பட்டிருக்கிறது. இதேபோன்ற இட அதிகரிப்பு அந்தந்த மாநிலச் சட்டமன்றங்களிலும் விகிதாசார அடிப்படையில் மேற்கொள்ளப்படும். இதன் மூலம் ஆண் அரசியல்வாதிகளின் வாய்ப்புகள் குறையாமல் இருப்பதை அரசு உறுதி செய்ய விரும்புகிறது.

இந்த மசோதா நிறைவேற்றப்பட்டால், மக்களவையின் உயர்த்தப்பட்ட 816 இடங்களில் 273 இடங்கள் (33%) பெண்களுக்கு ஒதுக்கப்படும். மேலும், தொகுதி மறுவரையறைப் பணிகளை 2027-ம் ஆண்டு மக்கள் தொகைக் கணக்கெடுப்பு வரை தள்ளிப்போடாமல், விரைவாக முடிப்பதற்காக 2011-ம் ஆண்டு கணக்கெடுப்பையே அடிப்படையாகக் கொள்ள அரசு திட்டமிட்டுள்ளது என்றும் சொல்லப்படுகிறது. இதன் மூலம் 2029 பொதுத் தேர்தலிலேயே மகளிர் இட ஒதுக்கீட்டைச் நடைமுறைக்குக் கொண்டு வர முடியும் என அரசு கருதுகிறது. இதற்காகத் தொகுதி மறுவரையறைச் சட்டத்தில் திருத்தங்கள் மேற்கொள்ளப்படும் எனவும் கூறப்படுகிறது.

இந்தத் திட்டம் குறித்து மத்திய அமைச்சர் அமித் ஷா சில கட்சிகளுடன் ஆலோசித்துள்ளார். இருப்பினும், காங்கிரஸ் மற்றும் திரிணாமுல் காங்கிரஸ் போன்ற கட்சிகளுடன் இன்னும் பேச்சுவார்த்தை முழுமையடையவில்லை. மக்களவை இடங்களை 50% உயர்த்துவது தென்னிந்தியா, வடகிழக்கு மற்றும் மேற்குப் பகுதியில் உள்ள சிறிய மாநிலங்களுக்குப் பாதிப்பை ஏற்படுத்தும் என்று கூறும் காங்கிரஸ், இது குறித்து விவாதிக்க அனைத்துக் கட்சிக் கூட்டத்தைக் கூட்ட வேண்டும் எனக் கோரியிருக்கிறது.

காங்கிரஸ் கட்சியின் பொதுச் செயலாளர் ஜெய்ராம் ரமேஷ் மற்றும் தெலுங்கானா முதல்வர் ரேவந்த் ரெட்டி ஆகியோர் ஆரம்பத்திலேயே, ``அனைத்து மாநிலங்களிலும் இடங்களை 50% அதிகரிப்பது சமமானதாகத் தோன்றினாலும், அது ஏற்கனவே இருக்கும் இடைவெளியை மேலும் அதிகமாக்கும்' என இந்த திட்டத்தில் இருக்கும் ஓட்டைகளை விவாத களத்துக்கு கொண்டுவந்திருக்கின்றனர்.

இது தவிர உள் ஒதுக்கீடு, ஓ.பி.சி பெண்களுக்கான இட ஒதுக்கீடு என பல்வேறு கேள்விகள் இது தொடர்பாக இருக்கிறது. அது குறித்து விரிவாகப் பேச மூத்த பத்திரிக்கையாளர் ப்ரியனை தொடர்புகொண்டோம்...

இன்றையச் சூழலில் பெண்களின் மக்கள் தொகை என்பது ஆண்களின் எண்ணிக்கைக்கு இணையாக உள்ளது. அப்படியிருக்கும்போது, அவர்களுக்குச் சமமான பிரதிநிதித்துவம் வழங்குவதே சமூக நீதிக்கு உட்பட்ட செயலாகும். தற்போது முன்மொழியப்பட்டுள்ள 33 சதவிகித இட ஒதுக்கீடு என்பதே உண்மையில் மிகக் குறைவான ஒன்றுதான்.

தற்போதைய நிலையைத் தரவுகளுடன் பார்த்தால், நாடாளுமன்றத்தின் 543 உறுப்பினர்களில் வெறும் 74 பேர் மட்டுமே பெண்கள். அதாவது 13% மட்டுமே. மாநிலச் சட்டமன்றங்களிலும் இதே நிலைதான் நீடிக்கிறது.

இந்தியாவில் பெண்களுக்கு நாடாளுமன்றத்திலும், சட்டமன்றங்களிலும் இட ஒதுக்கீடு வழங்குவதில் யாருக்கும் எந்த மாற்றுக் கருத்தும் இல்லை. ஏற்கனவே உள்ளாட்சி அமைப்புகளில் பெண்களுக்கு 33% இட ஒதுக்கீடு வழங்கப்பட்டு வந்தது, பின்னர் தமிழகத்தில் கலைஞர் கருணாநிதி ஆட்சிக் காலத்தில் அது 50% ஆக உயர்த்தப்பட்டது.

இப்போது மத்திய அரசு கொண்டுவரும் பெண்களுக்கு 33% இட ஒதுக்கீடு வழங்குவதற்கு, தொகுதிகளை மறுசீரமைப்பு செய்வது அவசியம். பொதுவாக 2021-ம் ஆண்டு மக்கள் தொகைக் கணக்கெடுப்பு நடத்தப்பட்டு, அதன் அடிப்படையில் தொகுதி மறுசீரமைப்பு செய்திருக்க வேண்டும். ஆனால் அது இன்னும் முடியவில்லை. இப்போது அரசு அவசர அவசரமாக 2011-ம் ஆண்டின் பழைய மக்கள் தொகைக் கணக்கெடுப்பின் அடிப்படையில் தொகுதிகளை மறுவரையறை செய்யத் திட்டமிடுகிறது. அப்போதுதான் 2029 பொதுத் தேர்தலிலேயே இந்த சட்டத்தை அமல்படுத்த முடியும். இதுதான் பா.ஜ.க அரசின் நோக்கம். இதற்காகவே ஏப்ரல் மாதத்தில் நாடாளுமன்றத்தின் சிறப்புக் கூட்டத்தொடரைக் கூட்டத் திட்டமிட்டுள்ளனர்.

அதன் அடிப்படையில் தற்போதுள்ள 543 நாடாளுமன்ற இடங்களை 816 ஆக உயர்த்தினால், சுமார் 273 இடங்கள் பெண்களுக்கு ஒதுக்கப்படும். மேலும், ஆண் உறுப்பினர்களின் வாய்ப்பு பறிபோகாது என்பது அரசின் கணக்கு. ஆனால், இதில் ஒரு பெரிய அரசியல் சிக்கல் உள்ளது.

மக்கள் தொகை அடிப்படையில் இடங்களை உயர்த்தும் போது வட மாநிலங்களில், உதாரணமாக உத்தரப்பிரதேசத்தின் 80 நாடாளுமன்றத் தொகுதி எண்ணிக்கை 120 என அதிகரிக்கும். மத்தியப் பிரதேசம் போன்ற மாநிலங்களில் அது இன்னும் கணிசமாக உயரும். மக்கள் தொகையைக் கட்டுப்படுத்திய தென் மாநிலங்களிலோ நாடாளுமன்றத் தொகுதிகளின் எண்ணிக்கை மிகக் குறைவாகவே உயரும். உதாரணமாக தமிழ்நாட்டின் நாடாளுமன்றத் தொகுதிகள் 39-லிருந்து 59-ஆக உயரும்.

இதனால், நாடாளுமன்றத்தில் வட மாநிலங்களின் ஆதிக்கம் ஓங்கும். தென் மாநிலங்களின் குரல் நசுக்கப்படும். அதேநேரம் பா.ஜ.க வட மாநிலங்களில் பலமாக இருப்பதால், இது அவர்களுக்குச் சாதகமாக முடியும் என்பது எதிர்க்கட்சிகளின் வாதம்.

நாடாளுமன்றத்தில் பெண்களுக்கான இடங்களை 2029 தேர்தலுக்குள் கொண்டுவர வேண்டும் என்ற அவசரத்தின் பின்னணியில் ஒரு மிகப்பெரிய அரசியல் கணக்கும் உள்ளது. பா.ஜ.க பார்வையில், வட மாநிலங்களில் மட்டும் கவனம் செலுத்தி, அதிக இடங்களை வென்றாலே நாடாளுமன்றத்தில் பெரும்பான்மையைப் பெற்றுவிட முடியும் என்ற நிலை உள்ளது. அதனால்தான், தற்போதைய 543 இடங்களுக்குள்ளேயே இட ஒதுக்கீட்டை அமல்படுத்தாமல், தொகுதிகளை மறுசீரமைப்பு செய்து மொத்த இடங்களை உயர்த்த பா.ஜ.க திட்டமிடுகிறது.

இதன் விளைவாக, தென்னிந்திய மாநிலங்களின் தேவைகளைக் கருத்தில் கொள்ளாமலேயே, வட மாநில வெற்றிகளை மட்டும் வைத்துக்கொண்டு மத்தியில் ஆட்சி அமைக்கும் சூழல் உருவாகலாம்.

புதிய நாடாளுமன்றக் கட்டிடம் சுமார் 750-க்கும் மேற்பட்ட உறுப்பினர்கள் அமரும் வகையில் கட்டப்பட்டிருப்பதே, நாடாளுமன்ற உறுப்பினர்களின் எண்ணிக்கையை உயர்த்தும் அரசின் எண்ணத்தைப் பிரதிபலிக்கிறது.

இதன் காரணமாகவே, காங்கிரஸ் கட்சி இந்த மசோதாவை நேரடியாக எதிர்க்கவில்லை என்றாலும், அதன் அமலாக்க முறையை விமர்சிக்கிறது. 2011-ம் ஆண்டின் பழைய கணக்கெடுப்பைவிட, தற்போதைய கணக்கெடுப்பை நடத்திக் காலம் தாழ்த்தாமல் இந்த சட்டத்தை அமல்படுத்த வேண்டும் என்பதுதான் காங்கிரஸின் கோரிக்கை. மேலும், ஓ.பி.சி பெண்களுக்கும் தனி இட ஒதுக்கீடு வழங்க வேண்டும் என்று அகிலேஷ் யாதவ் போன்ற தலைவர்கள் வலியுறுத்துகின்றனர். இல்லையெனில், 33% ஒதுக்கீட்டையும் உயர்வகுப்புப் பெண்களே கைப்பற்றிவிடுவார்கள் என்பது அவர்களின் அச்சம்.

2024 தேர்தலில் பா.ஜ.க தனிப்பெரும்பான்மை பெறாத நிலையில், 2029 தேர்தலில் பெரிய வெற்றியைப் பெறவும், பெண் வாக்காளர்களைக் கவரவும் இந்த அதிரடி மாற்றங்களை அரசு கொண்டு வர முயல்கிறது எனக் கூறப்படுகிறது. குறிப்பாக, மேற்கு வங்கம் மற்றும் தமிழகத் தேர்தல்களுக்கு முன்பாகவே இந்த அறிவிப்பை வெளியிடுவதன் மூலம் பெண் வாக்காளர்களின் ஆதரவைப் பெற முடியும் என அவர்கள் நினைக்கிறார்கள்.

உண்மையிலேயே பெண்களுக்குப் பிரதிநிதித்துவம் அளிக்க வேண்டுமென்றால், சட்டத்திற்காகக் காத்திருக்காமல் ஒவ்வொரு கட்சியும் தங்களின் வேட்பாளர் பட்டியலில் 33% பெண்களை நிறுத்தலாம். 2029 தேர்தலுக்கு முன்பாக 2011 கணக்கெடுப்பை வைத்து அவசரப்படுவதை விட, முறையான புதிய கணக்கெடுப்பை நடத்தி 2034-இல் கூட இதனை அமல்படுத்தலாம். ஆனால், பா.ஜ.க தனது அரசியல் பிம்பத்திற்காகவும், வட மாநிலச் செல்வாக்கிற்காகவும் 2011 கணக்கெடுப்பையே பிடிவாதமாகப் பிடித்துக் கொண்டுள்ளதாகத் தெரிகிறது.

இது கூட்டாட்சித் தத்துவத்தில் மாநிலங்களுக்கு இடையிலான சமநிலையைப் பாதிக்கும் என்பதே இந்த விவாதத்தின் மையப்பொருள். 2023-ல் இந்தச் சட்டம் கொண்டு வரப்பட்ட போதே 2024 தேர்தலில் பா.ஜ.க-வால் தனிப்பெரும்பான்மை பெற முடியவில்லை. எனவே, சட்டங்கள் மட்டுமே வெற்றியைத் தந்துவிடாது. மக்களின் மனநிலையே இறுதியானது. எனவே, நாடாளுமன்ற உறுப்பினர் எண்ணிக்கையை உயர்த்தி, அதன் மூலம் அரசியல் ஆதாயம் தேட நினைக்கும் பா.ஜ.க-வின் முயற்சி, கூட்டாட்சித் தத்துவத்திற்கு, குறிப்பாகத் தென் மாநிலங்களுக்கு சவாலாக அமையும்" என விரிவாகப் பேசினார்.

​Disclaimer :- This story is generated by computerised program and has not been created or edited by Daily Mail Hub. Publisher : VIGADAN

The post மகளிர் இட ஒதுக்கீடு: `சமமான பிரதிநிதித்துவமா அல்லது தேர்தல் வியூகமா?’ – விவாதப் பொருளாகும் திட்டம்! first appeared on Daily Mail Hub .

ஈரான் மற்றும் அமெரிக்கா இடையே போர் தீவிரமடைந்து வரும் நிலையில், அமெரிக்கப் போர் விமானங்கள் சுட்டு வீழ்த்தப்பட்ட சம்பவம் உலகளவில் பெரும் பதற்றத்தை ஏற்படுத்தியுள்ளது. ஈரான் வான்பரப்பில் பறந்து கொண்டிருந்த அமெரிக்காவின் இரண்டு போர் விமானங்களை ஈரான் இராணுவம் சுட்டு வீழ்த்தியுள்ளது. இதில் ஒரு விமானி மீட்கப்பட்ட நிலையில், மற்றொரு விமானியை ஈரான் பாதுகாப்புப் படையினர் தீவிரமாகத் தேடி வருகின்றனர். இந்தச் சம்பவம் மத்திய கிழக்கு பிராந்தியத்தில் ஏற்கனவே நிலவி வரும் போர்ச் சூழலை மேலும் சிக்கலாக்கியுள்ளது.

ஈரானால் சுட்டு வீழ்த்தப்பட்ட முதல் விமானம், அமெரிக்காவின் அதிநவீன F-15E ஸ்ட்ரைக் ஈகிள் ரகத்தைச் சேர்ந்தது. இரண்டு பேர் பயணிக்கக்கூடிய இந்த ஜெட் விமானத்தில் இருந்த ஒருவரை அமெரிக்கச் சிறப்புப் படைகள் பத்திரமாக மீட்டுள்ளன. மற்றொரு விமானப் பணியாளர் குறித்து இதுவரை தகவல் இல்லை. இதேபோல், குவைத் வான்பரப்பில் தாக்கப்பட்ட அமெரிக்காவின் A-10 வார்ஹாக் ரக விமானம் நொறுங்கி விழுந்தது. இதில் இருந்த விமானி பாராசூட் மூலம் குதித்து உயிர் தப்பினார். காணாமல் போன விமானியைத் தேடச் சென்ற அமெரிக்காவின் இரண்டு பிளாக் ஹாக் ஹெலிகாப்டர்கள் மீதும் ஈரான் தாக்குதல் நடத்தியுள்ளது.

இந்த தாக்குதல் குறித்து அமெரிக்க அதிபர் ட்ரம்பிற்கு அதிகாரப்பூர்வமாக விளக்கப்பட்டுள்ளது. இது தொடர்பாக பேசிய ட்ரம்ப், ``நிச்சயமாக இந்தச் சம்பவம் ஈரானுடனான பேச்சுவார்த்தையைப் பாதிக்காது. ஏனெனில் இது ஒரு போர்" என்று குறிப்பிட்டார். முன்னதாக, அமெரிக்க விமானங்கள் ஈரான் தலைநகர் டெஹ்ரான் மீது தடையின்றிப் பறக்கும் அளவிற்கு ஈரானின் இராணுவம் பலவீனமடைந்துவிட்டது என்று ட்ரம்ப் கூறியிருந்த நிலையில், தற்போது இந்தச் சம்பவம் நிகழ்ந்துள்ளது குறிப்பிடத்தக்கது.

`காணாமல் போன அமெரிக்க விமானியை உயிருடன் பிடிப்பவர்களுக்கு மதிப்புமிக்க வெகுமதி வழங்கப்படும்' என்று ஈரான் அரசு ஊடகம் அறிவித்துள்ளது. தென்மேற்கு ஈரானில் விமானம் விழுந்த பகுதியைச் சுற்றி ஈரானின் புரட்சிகரப் பாதுகாப்புப் படையினர் சல்லடை போட்டுத் தேடி வருகின்றனர். இதற்கிடையே, ஈரானிய நாடாளுமன்ற சபாநாயகர் முகமது பாகர் காலிபாஃப், அமெரிக்காவைக் கிண்டல் செய்யும் வகையில், ``ஈரானில் ஆட்சி மாற்றத்தை ஏற்படுத்த வந்தவர்கள், இப்போது தங்கள் விமானிகளைத் தேடிக்கொண்டிருக்கிறார்கள்" எனக் குறிப்பிட்டிருக்கிறார்.

​Disclaimer :- This story is generated by computerised program and has not been created or edited by Daily Mail Hub. Publisher : VIGADAN

The post சுட்டு வீழ்த்தப்பட்ட அமெரிக்கப் போர் விமானங்கள் – விமானியைத் தேடும் பணி தீவிரம்! first appeared on Daily Mail Hub .

மேற்கு வங்க சட்டமன்றத் தேர்தலுக்கு தேதி அறிவிக்கப்பட்டு, தேர்தலுக்கான வேட்பாளர்களும் தேர்வு செய்யப்பட்டு அறிவிக்கப்பட்டுவிட்டனர். தற்போது வேட்புமனு தாக்கல் செய்து பிரசாரத்தை மேற்கொள்ளும் நிலையில், திரிணாமுல் காங்கிரஸ் கட்சியைச் சேர்ந்த முக்கிய வேட்பாளர்கள் மற்றும் அமைச்சர்களுக்கு மத்திய புலனாய்வு முகமைகள் அடுத்தடுத்து சம்மன் அனுப்பி விசாரணை நடத்தி வருகின்றன.

தெற்கு கொல்கத்தாவின் முக்கிய தொகுதியான ராஷ்பிகாரியில் போட்டியிடும் தற்போதைய எம்.எல்.ஏ தேபாசிஷ் குமார், நில விற்பனை தொடர்பான முறைகேடு வழக்கில் அமலாக்கத்துறையினரால் வெள்ளிக்கிழமை விசாரணைக்கு உட்படுத்தப்பட்டார்.

ஏற்கனவே கடந்த திங்கள்கிழமை விசாரணைக்கு ஆஜரான இவர், மீண்டும் வெள்ளிக்கிழமை சுமார் ஐந்து மணி நேரம் விசாரிக்கப்பட்டார். இது தொடர்பாக, ``கட்சிதான் விளக்கம் அளிக்கும், நான் கருத்து கூற விரும்பவில்லை" எனத் தெரிவித்தார்.

பல்வேறு நகராட்சிகளில் 2014 முதல் 2018 வரை நடைபெற்ற 1,500-க்கும் மேற்பட்ட பணி நியமனங்களில் முறைகேடு நடந்ததாகக் கூறப்படும் புகாரில், கொல்கத்தா உயர் நீதிமன்ற உத்தரவின்படி விசாரணை நடைபெற்று வருகிறது. அதன் அடிப்படையில் பிதான்நகர் தொகுதி வேட்பாளர் சுஜித் போஸ் ஏப்ரல் 6-ம் தேதியும், மத்யம் கிராம் தொகுதி வேட்பாளர் ரத்தின் கோஷ் ஏப்ரல் 8-ம் தேதியும் ஆஜராக உத்தரவு பிறப்பிக்கப்பட்டிருக்கிறது.

இது தவிர கிழக்கு மிட்னாப்பூர் மாவட்டத்தின் பகவான்பூர் தொகுதி வேட்பாளரான மனப் குமார் பருவா, 2022-ம் ஆண்டு நடைபெற்ற குண்டுவெடிப்புச் சம்பவம் தொடர்பாக என்.ஐ.ஏ விசாரணைக்காக வியாழக்கிழமை ஆஜரானார். தொடர்ந்து அமைச்சர்கள், முக்கியப் பிரமுகர்களுக்கு நெருக்கடி தரும் வகையில் இந்த விசாரணைக்கான சம்மன் அனுப்பப்படுகிறது என திரிணாமுல் காங்கிரஸ் விமர்சித்திருக்கிறது.

இந்த நிலையில், வடக்கு தினாஜ்பூர் மாவட்டத்தில் நடைபெற்ற தேர்தல் பிரச்சாரக் கூட்டத்தில் பேசிய மேற்கு வங்க முதல்வர் மம்தா பானர்ஜி, ``தேர்தல் நேரத்தில் வேண்டுமென்றே எங்கள் கட்சி வேட்பாளர்களை இலக்கு வைத்து மத்திய முகமைகள் ஏவப்படுகின்றன.

இவ்வளவு நாள் மத்திய முகமைகள் என்ன தூங்கிக்கொண்டிருந்ததா? இது பா.ஜ.க-வின் மிகப் பழைய உத்தி. ஆனால், அதை இப்போதும் தொடர்கிறது. இதுபோன்ற நடவடிக்கைகள் ஜனநாயக விரோதமானது. பா.ஜ.க-வின் அரசியல் பழிவாங்கும் நடவடிக்கைகளுக்கு மக்கள் தேர்தலில் தகுந்த பதிலடி கொடுப்பார்கள்." எனக் காட்டமாக தெரிவித்திருக்கிறார்.

​Disclaimer :- This story is generated by computerised program and has not been created or edited by Daily Mail Hub. Publisher : VIGADAN

The post மேற்கு வங்கம்: TMC வேட்பாளர்களுக்கு நெருக்கடி; அடுத்தடுத்து பறக்கும் சம்மன் – கடுமையாக சாடும் மம்தா first appeared on Daily Mail Hub .

​Disclaimer :- This story is generated by computerised program and has not been created or edited by Daily Mail Hub. Publisher : VIGADAN

The post Iran war : US F35 போர் விமானத்தை வீழ்த்திய ஈரான்? | Israel | Decode | Vikatan first appeared on Daily Mail Hub .

​Disclaimer :- This story is generated by computerised program and has not been created or edited by Daily Mail Hub. Publisher : VIGADAN

The post DMK: மாப்பிள்ளை Sabareesan அரசியல் என்ட்ரி பின்னணி? | மகனுடன் மோதும் அமைச்சர் காந்தி | UPSET தனபால் first appeared on Daily Mail Hub .

​Disclaimer :- This story is generated by computerised program and has not been created or edited by Daily Mail Hub. Publisher : VIGADAN

The post திருநெல்வேலி: முதல்வர் ஸ்டாலின் தேர்தல் பரப்புரை.! | Election clicks first appeared on Daily Mail Hub .

தமிழக சட்டமன்றக் கூட்டங்களோ அல்லது நாடாளுமன்றக் கூட்டங்களோ நடைபெறும் சமயங்களில், நாம் அடிக்கடி கேட்கும் ஒரு வார்த்தை 'கொறடா'.

'ஆளுங்கட்சி கொறடா உத்தரவு', 'கொறடா உத்தரவை மீறிய எம்.எல்.ஏ-க்கள்' என்று பேசப்படும் இந்தப் பதவி குறித்து உங்களுக்கு தெரியுமா?

கொறடா

சட்டசபை மற்றும் நாடாளுமன்ற அவைகளில் தம் கட்சிக் உறுப்பினர்களை வழிநடத்த உருவாக்கப்பட்ட ஒரு பதவிதான் 'கொறடா'.

கொறடா என்பவர், கட்சிக்கும், ஆட்சிக்கும் இடையில் பாலமாக செயல்படுவார்.

இந்தியா, இங்கிலாந்து நாடாளுமன்ற அமைப்பை பின்பற்றியதால் அதன் தொடர்ச்சியாக 'கொறடா' என்ற பதவி இங்கு கொண்டு வரப்பட்டிருக்கிறது.

சட்டப்பேரவைத் தேர்தலில் வெற்றி பெற்று பெரும்பான்மை எம்எல்ஏக்களுடன் ஆட்சியமைக்கும் கட்சியில் இருந்து, ஒரு எம்எல்ஏ தேர்வு செய்யப்பட்டு, அவர் அரசு கொறடாவாக அறிவிக்கப்படுவார்.

அதேபோல, எதிர்க்கட்சிகளின் சார்பிலும், ஒவ்வொரு கட்சியிலும் ஒரு 'கொறடா' தேர்வு செய்யப்படுவார்.

கொறடாவின் பணிகள்

அவையில் குறிப்பிட்ட நாள்களில்(எ.கா: வாக்கெடுப்பு நாள்) உறுப்பினர் அனைவரும் வருகைதர வேண்டும் என கட்சி சார்பாக உத்தரவிடுவது, வாக்கெடுப்பின் போது கட்சியால் முடிவு செய்யப்பட்டபடியே வாக்களிக்க வேண்டும் என்று உறுப்பினர்களுக்கு உத்தரவிடுவது போன்றவை கொறடாவின் பணிகளாகும்.

அதேபோல அரசு தீர்மானத்தின் மீது பேசுவதற்கும், மானிய கோரிக்கை மீது பேசுவதற்கும் எம்எல்ஏக்களை அனுமதிப்பது, அதை பேரவைத் தலைவருக்கு தெரிவிப்பது உள்ளிட்டவைகளும் கொறடாவின் பணிகளாகும்.

கொறடாவின் அதிகாரம்

கொறடாவின் உத்தரவை மதிக்காமல் எந்த உறுப்பினராவது கட்சியின் முடிவிற்கு எதிராக மாற்றி வாக்களித்தால் அவரது அவை உறுப்பினர் பதவியை (எம்.பி அல்லது எம்.எல்.ஏ) பறிக்க அவைத்தலைவரிடம் பரிந்துறை செய்யப்படும் அதிகாரம் அவருக்கு இருக்கிறது.

அரசு 'கொறடா' என்பவர், மாநில அமைச்சருக்கு இணையான அந்தஸ்து பெற்றவர். அவருக்கு அமைச்சருக்கு உண்டான வாகனம், தனி அறை உள்ளிட்ட சலுகைகள் வழங்கப்படும்.

'கொறடா' பதவியில் இருப்பவர்களுக்கு ஒரு விதிவிலக்கு உண்டு. இந்தியாவில் குடியரசுத் தலைவருக்கான தேர்தலின்போது கொறடாக்கள் தம் கட்சி எம்.பி, எம்.எல்-களை கட்டுப்படுத்த இயலாது. அவர்கள் தங்கள் விருப்பப்படுவர்களைத் தேர்ந்தெடுத்து கொள்ளலாம்.

​Disclaimer :- This story is generated by computerised program and has not been created or edited by Daily Mail Hub. Publisher : VIGADAN

The post ‘கொறடா’ என்பவர் யார்? அவரது பணிகள் என்ன? அவரின் அதிகாரம் என்ன?|Vote Vibes first appeared on Daily Mail Hub .