ஈரான் மற்றும் அமெரிக்கா இடையே போர் தீவிரமடைந்து வரும் நிலையில், அமெரிக்கப் போர் விமானங்கள் சுட்டு வீழ்த்தப்பட்ட சம்பவம் உலகளவில் பெரும் பதற்றத்தை ஏற்படுத்தியுள்ளது. ஈரான் வான்பரப்பில் பறந்து கொண்டிருந்த அமெரிக்காவின் இரண்டு போர் விமானங்களை ஈரான் இராணுவம் சுட்டு வீழ்த்தியுள்ளது. இதில் ஒரு விமானி மீட்கப்பட்ட நிலையில், மற்றொரு விமானியை ஈரான் பாதுகாப்புப் படையினர் தீவிரமாகத் தேடி வருகின்றனர். இந்தச் சம்பவம் மத்திய கிழக்கு பிராந்தியத்தில் ஏற்கனவே நிலவி வரும் போர்ச் சூழலை மேலும் சிக்கலாக்கியுள்ளது.

ஈரானால் சுட்டு வீழ்த்தப்பட்ட முதல் விமானம், அமெரிக்காவின் அதிநவீன F-15E ஸ்ட்ரைக் ஈகிள் ரகத்தைச் சேர்ந்தது. இரண்டு பேர் பயணிக்கக்கூடிய இந்த ஜெட் விமானத்தில் இருந்த ஒருவரை அமெரிக்கச் சிறப்புப் படைகள் பத்திரமாக மீட்டுள்ளன. மற்றொரு விமானப் பணியாளர் குறித்து இதுவரை தகவல் இல்லை. இதேபோல், குவைத் வான்பரப்பில் தாக்கப்பட்ட அமெரிக்காவின் A-10 வார்ஹாக் ரக விமானம் நொறுங்கி விழுந்தது. இதில் இருந்த விமானி பாராசூட் மூலம் குதித்து உயிர் தப்பினார். காணாமல் போன விமானியைத் தேடச் சென்ற அமெரிக்காவின் இரண்டு பிளாக் ஹாக் ஹெலிகாப்டர்கள் மீதும் ஈரான் தாக்குதல் நடத்தியுள்ளது.

இந்த தாக்குதல் குறித்து அமெரிக்க அதிபர் ட்ரம்பிற்கு அதிகாரப்பூர்வமாக விளக்கப்பட்டுள்ளது. இது தொடர்பாக பேசிய ட்ரம்ப், ``நிச்சயமாக இந்தச் சம்பவம் ஈரானுடனான பேச்சுவார்த்தையைப் பாதிக்காது. ஏனெனில் இது ஒரு போர்" என்று குறிப்பிட்டார். முன்னதாக, அமெரிக்க விமானங்கள் ஈரான் தலைநகர் டெஹ்ரான் மீது தடையின்றிப் பறக்கும் அளவிற்கு ஈரானின் இராணுவம் பலவீனமடைந்துவிட்டது என்று ட்ரம்ப் கூறியிருந்த நிலையில், தற்போது இந்தச் சம்பவம் நிகழ்ந்துள்ளது குறிப்பிடத்தக்கது.

`காணாமல் போன அமெரிக்க விமானியை உயிருடன் பிடிப்பவர்களுக்கு மதிப்புமிக்க வெகுமதி வழங்கப்படும்' என்று ஈரான் அரசு ஊடகம் அறிவித்துள்ளது. தென்மேற்கு ஈரானில் விமானம் விழுந்த பகுதியைச் சுற்றி ஈரானின் புரட்சிகரப் பாதுகாப்புப் படையினர் சல்லடை போட்டுத் தேடி வருகின்றனர். இதற்கிடையே, ஈரானிய நாடாளுமன்ற சபாநாயகர் முகமது பாகர் காலிபாஃப், அமெரிக்காவைக் கிண்டல் செய்யும் வகையில், ``ஈரானில் ஆட்சி மாற்றத்தை ஏற்படுத்த வந்தவர்கள், இப்போது தங்கள் விமானிகளைத் தேடிக்கொண்டிருக்கிறார்கள்" எனக் குறிப்பிட்டிருக்கிறார்.

​Disclaimer :- This story is generated by computerised program and has not been created or edited by Daily Mail Hub. Publisher : VIGADAN

The post சுட்டு வீழ்த்தப்பட்ட அமெரிக்கப் போர் விமானங்கள் – விமானியைத் தேடும் பணி தீவிரம்! first appeared on Daily Mail Hub .

மேற்கு வங்க சட்டமன்றத் தேர்தலுக்கு தேதி அறிவிக்கப்பட்டு, தேர்தலுக்கான வேட்பாளர்களும் தேர்வு செய்யப்பட்டு அறிவிக்கப்பட்டுவிட்டனர். தற்போது வேட்புமனு தாக்கல் செய்து பிரசாரத்தை மேற்கொள்ளும் நிலையில், திரிணாமுல் காங்கிரஸ் கட்சியைச் சேர்ந்த முக்கிய வேட்பாளர்கள் மற்றும் அமைச்சர்களுக்கு மத்திய புலனாய்வு முகமைகள் அடுத்தடுத்து சம்மன் அனுப்பி விசாரணை நடத்தி வருகின்றன.

தெற்கு கொல்கத்தாவின் முக்கிய தொகுதியான ராஷ்பிகாரியில் போட்டியிடும் தற்போதைய எம்.எல்.ஏ தேபாசிஷ் குமார், நில விற்பனை தொடர்பான முறைகேடு வழக்கில் அமலாக்கத்துறையினரால் வெள்ளிக்கிழமை விசாரணைக்கு உட்படுத்தப்பட்டார்.

ஏற்கனவே கடந்த திங்கள்கிழமை விசாரணைக்கு ஆஜரான இவர், மீண்டும் வெள்ளிக்கிழமை சுமார் ஐந்து மணி நேரம் விசாரிக்கப்பட்டார். இது தொடர்பாக, ``கட்சிதான் விளக்கம் அளிக்கும், நான் கருத்து கூற விரும்பவில்லை" எனத் தெரிவித்தார்.

பல்வேறு நகராட்சிகளில் 2014 முதல் 2018 வரை நடைபெற்ற 1,500-க்கும் மேற்பட்ட பணி நியமனங்களில் முறைகேடு நடந்ததாகக் கூறப்படும் புகாரில், கொல்கத்தா உயர் நீதிமன்ற உத்தரவின்படி விசாரணை நடைபெற்று வருகிறது. அதன் அடிப்படையில் பிதான்நகர் தொகுதி வேட்பாளர் சுஜித் போஸ் ஏப்ரல் 6-ம் தேதியும், மத்யம் கிராம் தொகுதி வேட்பாளர் ரத்தின் கோஷ் ஏப்ரல் 8-ம் தேதியும் ஆஜராக உத்தரவு பிறப்பிக்கப்பட்டிருக்கிறது.

இது தவிர கிழக்கு மிட்னாப்பூர் மாவட்டத்தின் பகவான்பூர் தொகுதி வேட்பாளரான மனப் குமார் பருவா, 2022-ம் ஆண்டு நடைபெற்ற குண்டுவெடிப்புச் சம்பவம் தொடர்பாக என்.ஐ.ஏ விசாரணைக்காக வியாழக்கிழமை ஆஜரானார். தொடர்ந்து அமைச்சர்கள், முக்கியப் பிரமுகர்களுக்கு நெருக்கடி தரும் வகையில் இந்த விசாரணைக்கான சம்மன் அனுப்பப்படுகிறது என திரிணாமுல் காங்கிரஸ் விமர்சித்திருக்கிறது.

இந்த நிலையில், வடக்கு தினாஜ்பூர் மாவட்டத்தில் நடைபெற்ற தேர்தல் பிரச்சாரக் கூட்டத்தில் பேசிய மேற்கு வங்க முதல்வர் மம்தா பானர்ஜி, ``தேர்தல் நேரத்தில் வேண்டுமென்றே எங்கள் கட்சி வேட்பாளர்களை இலக்கு வைத்து மத்திய முகமைகள் ஏவப்படுகின்றன.

இவ்வளவு நாள் மத்திய முகமைகள் என்ன தூங்கிக்கொண்டிருந்ததா? இது பா.ஜ.க-வின் மிகப் பழைய உத்தி. ஆனால், அதை இப்போதும் தொடர்கிறது. இதுபோன்ற நடவடிக்கைகள் ஜனநாயக விரோதமானது. பா.ஜ.க-வின் அரசியல் பழிவாங்கும் நடவடிக்கைகளுக்கு மக்கள் தேர்தலில் தகுந்த பதிலடி கொடுப்பார்கள்." எனக் காட்டமாக தெரிவித்திருக்கிறார்.

​Disclaimer :- This story is generated by computerised program and has not been created or edited by Daily Mail Hub. Publisher : VIGADAN

The post மேற்கு வங்கம்: TMC வேட்பாளர்களுக்கு நெருக்கடி; அடுத்தடுத்து பறக்கும் சம்மன் – கடுமையாக சாடும் மம்தா first appeared on Daily Mail Hub .

​Disclaimer :- This story is generated by computerised program and has not been created or edited by Daily Mail Hub. Publisher : VIGADAN

The post Iran war : US F35 போர் விமானத்தை வீழ்த்திய ஈரான்? | Israel | Decode | Vikatan first appeared on Daily Mail Hub .

​Disclaimer :- This story is generated by computerised program and has not been created or edited by Daily Mail Hub. Publisher : VIGADAN

The post DMK: மாப்பிள்ளை Sabareesan அரசியல் என்ட்ரி பின்னணி? | மகனுடன் மோதும் அமைச்சர் காந்தி | UPSET தனபால் first appeared on Daily Mail Hub .

​Disclaimer :- This story is generated by computerised program and has not been created or edited by Daily Mail Hub. Publisher : VIGADAN

The post திருநெல்வேலி: முதல்வர் ஸ்டாலின் தேர்தல் பரப்புரை.! | Election clicks first appeared on Daily Mail Hub .

தமிழக சட்டமன்றக் கூட்டங்களோ அல்லது நாடாளுமன்றக் கூட்டங்களோ நடைபெறும் சமயங்களில், நாம் அடிக்கடி கேட்கும் ஒரு வார்த்தை 'கொறடா'.

'ஆளுங்கட்சி கொறடா உத்தரவு', 'கொறடா உத்தரவை மீறிய எம்.எல்.ஏ-க்கள்' என்று பேசப்படும் இந்தப் பதவி குறித்து உங்களுக்கு தெரியுமா?

கொறடா

சட்டசபை மற்றும் நாடாளுமன்ற அவைகளில் தம் கட்சிக் உறுப்பினர்களை வழிநடத்த உருவாக்கப்பட்ட ஒரு பதவிதான் 'கொறடா'.

கொறடா என்பவர், கட்சிக்கும், ஆட்சிக்கும் இடையில் பாலமாக செயல்படுவார்.

இந்தியா, இங்கிலாந்து நாடாளுமன்ற அமைப்பை பின்பற்றியதால் அதன் தொடர்ச்சியாக 'கொறடா' என்ற பதவி இங்கு கொண்டு வரப்பட்டிருக்கிறது.

சட்டப்பேரவைத் தேர்தலில் வெற்றி பெற்று பெரும்பான்மை எம்எல்ஏக்களுடன் ஆட்சியமைக்கும் கட்சியில் இருந்து, ஒரு எம்எல்ஏ தேர்வு செய்யப்பட்டு, அவர் அரசு கொறடாவாக அறிவிக்கப்படுவார்.

அதேபோல, எதிர்க்கட்சிகளின் சார்பிலும், ஒவ்வொரு கட்சியிலும் ஒரு 'கொறடா' தேர்வு செய்யப்படுவார்.

கொறடாவின் பணிகள்

அவையில் குறிப்பிட்ட நாள்களில்(எ.கா: வாக்கெடுப்பு நாள்) உறுப்பினர் அனைவரும் வருகைதர வேண்டும் என கட்சி சார்பாக உத்தரவிடுவது, வாக்கெடுப்பின் போது கட்சியால் முடிவு செய்யப்பட்டபடியே வாக்களிக்க வேண்டும் என்று உறுப்பினர்களுக்கு உத்தரவிடுவது போன்றவை கொறடாவின் பணிகளாகும்.

அதேபோல அரசு தீர்மானத்தின் மீது பேசுவதற்கும், மானிய கோரிக்கை மீது பேசுவதற்கும் எம்எல்ஏக்களை அனுமதிப்பது, அதை பேரவைத் தலைவருக்கு தெரிவிப்பது உள்ளிட்டவைகளும் கொறடாவின் பணிகளாகும்.

கொறடாவின் அதிகாரம்

கொறடாவின் உத்தரவை மதிக்காமல் எந்த உறுப்பினராவது கட்சியின் முடிவிற்கு எதிராக மாற்றி வாக்களித்தால் அவரது அவை உறுப்பினர் பதவியை (எம்.பி அல்லது எம்.எல்.ஏ) பறிக்க அவைத்தலைவரிடம் பரிந்துறை செய்யப்படும் அதிகாரம் அவருக்கு இருக்கிறது.

அரசு 'கொறடா' என்பவர், மாநில அமைச்சருக்கு இணையான அந்தஸ்து பெற்றவர். அவருக்கு அமைச்சருக்கு உண்டான வாகனம், தனி அறை உள்ளிட்ட சலுகைகள் வழங்கப்படும்.

'கொறடா' பதவியில் இருப்பவர்களுக்கு ஒரு விதிவிலக்கு உண்டு. இந்தியாவில் குடியரசுத் தலைவருக்கான தேர்தலின்போது கொறடாக்கள் தம் கட்சி எம்.பி, எம்.எல்-களை கட்டுப்படுத்த இயலாது. அவர்கள் தங்கள் விருப்பப்படுவர்களைத் தேர்ந்தெடுத்து கொள்ளலாம்.

​Disclaimer :- This story is generated by computerised program and has not been created or edited by Daily Mail Hub. Publisher : VIGADAN

The post ‘கொறடா’ என்பவர் யார்? அவரது பணிகள் என்ன? அவரின் அதிகாரம் என்ன?|Vote Vibes first appeared on Daily Mail Hub .

கோவை மாவட்ட காங்கிரஸ் அலுவலகமான காமராஜ் பவன் முன்பு சிங்காநல்லூர் மற்றும் கவுண்டம்பாளையம் தொகுதி வேட்பாளர்களை மாற்ற வேண்டும் என வலியுறுத்தி காங்கிரஸ் கட்சியினர் போராட்டத்தில் ஈடுபட்டனர். கோவை மாவட்டத்தில் திமுக கூட்டணியில் கவுண்டம்பாளையம் மற்றும் சிங்காநல்லூர் ஆகிய இரு சட்டமன்றத் தொகுதிகள் காங்கிரஸ் கட்சிக்கு ஒதுக்கப்பட்டுள்ளது. தொகுதி பங்கீடு முடிந்து நீண்ட நாள் இழுபறிக்கு பின்னர் இன்று வேட்பாளர் பட்டியல் அறிவிக்கப்பட்டது.

அதில் சிங்காநல்லூர் தொகுதிக்கு இளைஞர் காங்கிரஸின் தேசிய செயலாளர் ஸ்ரீநிதி என்பவருக்கும், கவுண்டம்பாளையத்திற்கு மாநில இளைஞர் காங்கிரஸ் செயலாளர் சூரிய பிரகாஷ் என்பவருக்கும் வாய்ப்பு வழங்கப்பட்டிருக்கிறது. இது கோவை மாவட்ட காங்கிரஸ் கட்சியினர் மத்தியில் கடும் அதிருப்தியை ஏற்படுத்தியுள்ளது. இதனையடுத்து காங்கிரஸ் கட்சி அலுவலகமான காமராஜ் பவன் முன்பு கூடிய அக்கட்சி தொண்டர்கள், வேட்பாளர்கள் இருவரையும் மாற்ற வேண்டும் என வலியுறுத்தி ஆர்ப்பாட்டத்தில் ஈடுபட்டனர்.

அப்போது பேசிய காங்கிரஸ் கட்சி நிர்வாகிகள், ``கோவை மாவட்டத்தில் சிங்காநல்லூர், கவுண்டம்பாளையம் பகுதிகளில் அறிவிக்கப்பட்டுள்ள வேட்பாளர்களை மாற்ற வேண்டும் என்பதை டெல்லியின் கவனத்திற்கு எடுத்துச் செல்லும் விதமாக ஆர்ப்பாட்டம் நடத்துகிறோம்.

இந்த வேட்பாளர்கள் இருவரும் கட்சிக்கு வந்து 2 வருடம் மட்டுமே ஆகிறது. 25 முதல் 40 ஆண்டுகளாக இந்த கட்சிக்கு உழைத்தவர்களுக்கு வாய்ப்பு கொடுக்கவில்லை. தமிழ்நாடு காங்கிரஸ் கமிட்டி டெல்லிக்கும், ராகுல் காந்திக்கும் தவறான தகவலைச் சொல்லி இருக்கிறது. கட்சிக்கு தொடர்பில்லாதவர்களுக்கு வாய்ப்பு கொடுக்கப்பட்டு இருக்கிறது. சிங்காநல்லூர் வேட்பாளர் மக்கள் நீதி மய்யத்தில் இருந்து அ.தி.மு.க, பா.ஜ.க ஆகிய கட்சிகளுக்குப் போய்விட்டு காங்கிரஸ் கட்சிக்கு வந்தவர்.

டெல்லிக்கு தவறான சொல்லி பணம் பெற்றுக் கொண்டு இந்தப் பட்டியல் தயாராகி இருக்கிறது. பட்டியலை தயாரித்தவர்கள் பணம் வாங்கிக்கொண்டு செயல்பட்டிருக்கின்றனர். கடந்த வாரம் நடந்த கூட்டத்தில் தயாரிக்கப்பட்ட பட்டியலில் இவர்கள் இரண்டு பேர் பெயர் இல்லை. ஆனால் திடீரென வேட்பாளராக அறிவிக்கப்பட்டு இருக்கின்றனர். சொந்த கட்சியினருக்கும், கூட்டணிக் கட்சியினருக்கும் இவர்கள் யார் என்றே தெரியாது. இந்த வேட்பாளர்களால் காங்கிரஸ் கட்சிக்குப் பின்னடைவு ஏற்படும். தொண்டர்கள் மிகுந்த அதிருப்தி மற்றும் கொந்தளிப்பில் இருக்கிறோம்" என்றனர்.

​Disclaimer :- This story is generated by computerised program and has not been created or edited by Daily Mail Hub. Publisher : VIGADAN

The post கோவை: `இப்போது வந்தவர்களுக்கெல்லாம் எம்.எல்.ஏ சீட்!’- ஆர்ப்பாட்டத்தில் இறங்கிய காங்கிரஸார் first appeared on Daily Mail Hub .

இதோ, அதோ என இழுத்துக் கொண்டிருந்த தமிழக பா.ஜ.க வேட்பாளர்கள் பட்டியல் ஒருவழியாக வெளியாகியிருக்கிறது. நாம் ஏற்கெனவே கூறியிருந்தபடி, இந்தத் தேர்தலில் போட்டியிட அண்ணாமலை விரும்பாததால், அவருக்கு வாய்ப்பு வழங்கப்படவில்லை.

கட்சியில் கரை கண்ட சீனியர்கள் பலருக்கும் வாய்ப்பளித்து வேட்பாளர்களாக்கியிருக்கிறது டெல்லி பா.ஜ.க தலைமை. பெரும் போராட்டத்துக்குப் பிறகு மயிலாப்பூருக்கு தமிழிசை செளந்திரராஜனும் நாகர்கோவிலுக்கு எம்.ஆர்.காந்தியும் வேட்பாளர்களாகியிருக்கிறார்கள். பா.ஜ.க-வின் இந்த வேட்பாளர் பட்டியல் சொல்வதென்ன?

பா.ஜ.க-வின் மையக்குழு உறுப்பினர்கள் சிலர் நம்மிடையே பேசுகையில், "பா.ஜ.க-வுக்கு சாதகமான தொகுதிகளை அ.தி.மு.க-விடமிருந்து கேட்டுப் பெறவில்லை என்கிற கோபம் கட்சிக்குள் கொழுந்துவிட்டு எரிகிறது. கிடைத்த தொகுதிகளிலும் போட்டியிடுவதற்கு தகுதியான வேட்பாளர்கள் இல்லை. திருவாரூர், அறந்தாங்கி, மானாமதுரை, ராமநாதபுரம், திருப்பத்தூர் உள்ளிட்ட பல தொகுதிகளிலும் வேட்பாளர்களைப் போடுவதற்குள் தண்ணீர் குடித்துவிட்டது தலைமை. அதேசமயம், கட்சியிலுள்ள சீனியர்கள் பலரும் ஆளுக்கொரு பக்கம் லாபி செய்து தங்களுக்குத் தோதான தொகுதியைப் பெற்றுவிட்டார்கள்.

மயிலாப்பூர் தொகுதிக்கு தமிழிசை செளந்திரராஜன், கே.டி.ராகவன், எஸ்.ஜி.சூர்யா ஆகிய மூவரின் பெயர்கள் பரிந்துரைக்கப்பட்டன. ராகவனுக்கும் சூர்யாவுக்கும் தேசிய அமைப்பு பொதுச்செயலாளர் பி.எல்.சந்தோஷ் சிபாரிசு செய்திருந்தார். ஆனால், ஜெ.பி.நட்டா தொடங்கி அமித் ஷா வரையில் பலரிடமும் லாபி செய்து மயிலாப்பூரை தட்டிச் சென்றுவிட்டார் தமிழிசை.

திருப்பத்தூரில் போட்டியிட மறுத்த கூட்டணிக் கட்சித் தலைவரான திருமாறனை பெரும்பாடுபட்டு சமாதானம் செய்து வேட்பாளராக்கியுள்ளனர். திருவாரூரில் போட்டியிட 'நாராயிணி' கார்த்திகேயனிடம்தான் முதலில் பேசினார்கள். அவர் மறுத்துவிடவே கோவி சந்துருவுக்கு வாய்ப்பளிக்கப்பட்டுள்ளது. மானாமதுரைக்கு ம.வெங்கடேசனும் பொன்.பாலகணபதியும் மோதிக்கொண்ட நிலையில், பாலகணபதிக்கு சீட் கிடைத்திருக்கிறது.

திருப்பூர் தெற்கு தொகுதிக்கு ஏ.பி.முருகானந்தம் அல்லது காடேஸ்வரா தங்கராஜ் பெயர்கள்தான் பரிசீலிக்கப்பட்டன. இந்தத் தேர்தலில் அண்ணாமலை போட்டியிடவில்லை என்றதும், ஏ.பி.முருகானந்தமும் சீட்டுக்கான ரேஸில் இருந்து ஒதுங்கிக் கொண்டார். அதனாலேயே, காடேஸ்வரா தங்கராஜ்க்கு சீட் கிடைத்திருக்கிறது. ராமநாதபுரம் தொகுதியில் போட்டியிட மறுத்த ஜி.பி.எஸ்.நாகேந்திரனை, எல்.முருகன் தான் சமாதானம் செய்து போட்டியிட வைத்திருக்கிறார். முன்னாள் சபாநாயகர் தனபால் போட்டியிட்டு வென்ற அவினாசி தொகுதியில் எல்.முருகன் களம் காண்கிறார்.

உதகை தொகுதியை, தன்னுடைய ஆதரவாளரான உமாதேவிக்குப் பெற்றுக் கொடுக்கத்தான் எல்.முருகன் விரும்பினார். அதற்கு, மாநில மையக்குழு கூட்டத்திலேயே பி.எல்.சந்தோஷ் தடை போடவும் எல்.முருகனின் திட்டம் தவிடுபொடியானது. கட்சியில் சீனியரான போஜராஜனுக்கு உதகை அளிக்கப்பட்டிருக்கிறது.

புதுக்கோட்டை ராமச்சந்திரனுக்கும், வாசுதேவநல்லூர் ஆனந்தன் அய்யாசாமிக்கும் அண்ணாமலை கோட்டாவில் சீட் ஒதுக்கப்பட்டுள்ளது. ஆனந்தன் அய்யாசாமிக்குத் தேவைப்படும் சகல உதவிகளையும், 'ஜோகோ' நிறுவனத் தலைவர் ச்ரிதர் வேம்பு செய்துத் தருவதாக உத்தரவாதம் அளித்திருக்கிறார்.

இந்தப் பட்டியலில், சீட் எதிர்பார்த்திருந்த இளைஞர்கள் பலருக்கும் வாய்ப்பளிக்கப்படவில்லை. வினோஜ் பி.செல்வம், எஸ்.ஜி.சூர்யா, அமர் பிரசாத் ரெட்டி, அஸ்வத்தாமன் என்று பலருமே ஓரங்கப்பட்டுள்ளனர். தனக்கு சீட் வேண்டாமென அண்ணாமலையே ஒதுங்கிக் கொண்டுவிட்டார். தமிழகம் முழுவதும் பிரசாரம் செய்வதற்குத் தயாராகும் அண்ணாமலை, தேர்தல் நாளன்று கவுண்டம்பாளையம் தொகுதியிலுள்ள ஒரு பூத்தில், பூத் ஏஜெண்ட்டாக அமரவும் முடிவெடுத்திருக்கிறார்" என்றனர் விரிவாகவே.

வேட்பாளர் பட்டியலை பா.ஜ.க அறிவித்துவிட்டாலும், அதில் ஆறு தொகுதிகளே சாதகமாக இருப்பதாகச் சொல்கிறார்கள் அக்கட்சியின் சீனியர்கள். அதுகுறித்து நம்மிடம் பேசியவர்கள், "அவினாசி, கோவை வடக்கு, வாசுதேவநல்லூர், நாகர்கோவில், பத்மநாபபுரம், மொடக்குறிச்சி தொகுதிகளில் மட்டுமே வெற்றிக்கான வாய்ப்பு பிரகாசமாக இருக்கிறது.

மயிலாப்பூர், ராசிபுரம், திருப்பூர் தெற்கு, புதுக்கோட்டை, மதுரை தெற்கு, ராமநாதபுரம், விளவங்கோடு தொகுதிகளில் போட்டி கடுமையாக இருக்கும். ஆனால், வெற்றியை உறுதியாகச் சொல்லிவிட முடியாது. மயிலாப்பூரிலுள்ள பட்டியல் சமூகத்தினரும் மீனவர்களும் த.வெ.க., தி.மு.க ஆதரவு மனநிலையில் இருப்பது, தமிழிசைக்கு சவால்தான்.

தவிர, அந்தத் தொகுதியின் அ.தி.மு.க மாவட்டச் செயலாளரான அசோக், வேளச்சேரியில் போட்டியிடுகிறார். தன்னுடைய தொகுதியில் வெற்றிப்பெறுவதில்தான் அசோக் கவனம் செலுத்துவாரே ஒழிய, தமிழிசைக்காக இறங்கி வேலைப் பார்க்கமாட்டார். இதையெல்லாம் எதிர்கொண்டுதான் தமிழிசை வெற்றிப்பெற்றாக வேண்டும்.

ராசிபுரத்தில், சிட்டிங் அமைச்சர் மதிவேந்தனை எதிர்த்து வேட்பாளராகியிருக்கிறார் வி.பி.துரைசாமியின் மகன் பிரேம்குமார். அந்தத் தொகுதியில் முன்னாள் சபாநாயகர் தனபாலின் மகன் லோகேஷ் தமிழ்ச்செல்வன் த.வெ.க வேட்பாளராக போட்டியிடுகிறார். இந்த மும்முனைப் போட்டியில் வெற்றிப்பெற பிரேம்குமார் கடுமையாக உழைக்க வேண்டும்.

திருப்பூர் தெற்கு, புதுக்கோட்டை, மதுரை தெற்கு, ராமநாதபுரம் தொகுதிகளில் பா.ஜ.க-வுக்கென வாக்குவங்கி இருக்கிறது. அதேசமயம், கூட்டணிக் கட்சிகளின் தயவு இல்லாமல் அங்கேயெல்லாம் வெற்றிக்குச் சாத்தியமில்லை. அ.தி.மு.க., அ.ம.மு.க வாக்குகள் பா.ஜ.க-வுக்கு எந்தளவுக்கு மடைமாறும் என்பதைப் பொறுத்துதான் வெற்றியை நிர்ணயிக்க முடியும்.

விளவங்கோட்டில் தனக்கென தனிச்செல்வாக்கு இருப்பதால் வெற்றிப்பெற்றுவிடலாம் என்று கணக்குப் போடுகிறார் விஜயதரணி. ஆனால், அவர் தாமரை சின்னத்தில் களமிறங்குவதால், தொகுதியிலிருக்கும் கிறிஸ்தவர்களிடம் ஆதரவு குறைய வாய்ப்பிருக்கிறது. இது விஜயதரணிக்கு சவால்தான்.

சாத்தூர் தொகுதியே நயினாருக்கு சவால்தான். த.வெ.க., நாம் தமிழர் கட்சிகளைச் சேர்ந்தவர்கள் முக்குலத்தோரை வேட்பாளராக நிறுத்தியிருக்கும் நிலையில், அதே சமூகத்தைச் சேர்ந்த நயினாரும் அங்கே போட்டியிடுகிறார். முக்குலத்தோர் வாக்குகள் பிரியும் நிலையில், நாயுடு சமூகத்தைச் சேர்ந்த கடற்கரை ராஜூவை தி.மு.க வேட்பாளராக்கியிருக்கிறது. இந்த சமூக கணக்கில், நயினாருக்கு பின்னடைவு ஏற்பட்டிருக்கிறது.

இந்தத் தொகுதிகளைத் தாண்டி வேறெந்த தொகுதிகளும் பா.ஜ.க-வுக்கு சாதகமானதாக இல்லை. மானாமதுரை, கந்தர்வக்கோட்டை, திருப்பத்தூர், தளி, ஆவடி தொகுதிகளில் மூன்றாமிடம் சென்றுவிடுவோமோ என்ற அச்சம் கட்சிக்குள் நிலவுகிறது" என்கிறார்கள் மிரட்சியுடன்.

பா.ஜ.க வேட்பாளர் பட்டியலை, மத்திய அமைச்சர் பியூஷ் கோயலே வெளியிடத்தான் முதலில் ஏற்பாடானது. தொகுதிப் பங்கீடு, வேட்பாளர் தேர்வில் சொதப்பல் என்று பல விஷயங்களிலும் அப்செட்டாகியிருக்கும் கோயல், பட்டியலை ஆன்லைனில் வெளியிடச் சொல்லிவிட்டாராம். டெல்லி எதிர்பார்த்த விதத்தில் வேட்பாளர்கள் இல்லாததால், பிரதமரை வைத்து வேட்பாளர்களை அறிமுகம் செய்யும் கூட்டமும் திடீரென ரத்தாகியிருக்கிறது.

புதுச்சேரி பிரசாரத்தை முடித்துக்கொண்டு தமிழகம் திரும்பும் பிரதமர் மோடி, இன்றிரவு சென்னையில் தங்கவிருக்கிறார். தமிழக பா.ஜ.க-வின் மூத்த நிர்வாகிகள் சிலரையும் ஹோட்டலில் சந்திக்கவிருக்கிறார். அப்போது, அவரிடமிருந்து கடுமையான டோஸ் விழுமென இப்போதே அரண்டுகிடக்கிறார்கள் தமிழக பா.ஜ.க-வினர்.

​Disclaimer :- This story is generated by computerised program and has not been created or edited by Daily Mail Hub. Publisher : VIGADAN

The post வெளியான லிஸ்ட்; கரைசேருமா `கமலாலய’ கப்பல்? – மோடி சந்திப்பும் அரண்டுகிடக்கும் தமிழக பா.ஜ.க-வும்! first appeared on Daily Mail Hub .

திருப்பூர் மாவட்டத்தில் உள்ள அவிநாசி தொகுதி தனி தொகுதி ஆகும். அந்தத் தொகுதியில் 2016, 2021-ம் ஆண்டு சட்டமன்ற தேர்தல்களில் அதிமுக சார்பாக தனபால் களமிறங்கினார்.

களமிறங்கியது மட்டுமல்லாமல்... அந்தத் தொகுதியில் வெற்றி பெறவும் செய்தார்.

2016-ம் ஆண்டு தேர்தலில் அவிநாசி தொகுதியில் வெற்றி பெற்ற இவரை சபாநாயகர் ஆக்கினார் முன்னாள் முதலமைச்சர் ஜெயலலிதா.

ஆனால், 2026-ம் ஆண்டு தமிழ்நாடு சட்டமன்ற தேர்தலில், அதிமுக கூட்டணி இந்தத் தொகுதியைப் பாஜகவிற்கு ஒதுக்கியுள்ளது. பாஜக சார்பாக அவிநாசி தொகுதியில் களம் காண்கிறார் மத்திய இணையமைச்சர் எல்.முருகன்.

இந்த நிலையில், தற்போது தனபால் அறிக்கை ஒன்றை வெளியிட்டுள்ளார். அதில் அவர் கூறியுள்ளதாவது...

"மாண்புமிகு புரட்சித் தலைவர் எம்.ஜி.ஆர். அவர்கள் அனைத்திந்திய அண்ணா திராவிட முன்னேற்றக் கழகம் என்னும் மாபெரும் மக்கள் இயக்கத்தைத் தொடங்கிய 1972 ஆம் ஆண்டிலிருந்து நான் என்னை இந்த இயக்கத்தில் இணைத்துக் கொண்டு ஐம்பது ஆண்டுகளுக்கும் மேலாக கழகப் பணியாற்றி வருகிறேன்.

புரட்சித் தலைவர் எம்.ஜி.ஆர். அவர்களின் ஆட்சிக் காலத்தில் 1977-80, 1980-84 மற்றும் 1985-88 என தொடர்ந்து மூன்று முறை தமிழ்நாடு சட்டமன்றப் பேரவைக்கு தேர்ந்தெடுக்கப்பட்டு சட்டமன்ற உறுப்பினராக திறம்பட பணியாற்றி இருக்கிறேன்.

புரட்சித் தலைவர் எம்.ஜி.ஆர். அவர்களின் மறைவிற்குப் பின்பு, மாண்புமிகு புரட்சித் தலைவி அம்மா அவர்களை தலைவராக ஏற்றுக் கொண்டு செயல்பட்டவன் .

2001-2006, 2011-2016, 2016-2021 மற்றும் 2021-2026 என நான்கு முறை தமிழ்நாடு சட்டமன்றப் பேரவைக்கு தேர்ந்தெடுக்கப்பட்டேன். 2001-2006 தமிழ்நாடு சட்டமன்றப் பேரவைக்கு தேர்ந்தெடுக்கப்பட்டேன்.

காலகட்டத்தில், ஆதி திராவிடர் நலன், உணவு, கூட்டுறவு போன்ற இலாக்காக்களுக்கு மாண்புமிகு அம்மா அவர்கள் என்னை அமைச்சராக நியமித்தார்கள்.

2011 ஆம் ஆண்டு என்னை பேரவைத் துணைத் தலைவராக்கிய மாண்புமிகு அம்மா அவர்கள், 2012 ஆம் ஆண்டு பேரவைத் தலைவர் பொறுப்பினை எனக்கு வழங்கினார்கள்.

2016 ஆம் ஆண்டு இரண்டாவது முறையாக பேரவைத் தலைவர் பொறுப்பினை மாண்புமிகு அம்மா அவர்கள் எனக்கு வழங்கினார்கள். கட்சியில் பல்வேறு பொறுப்புகளை வகித்தவன் நான்.

இந்திய நாடு சுதந்திரம் அடைந்த பிறகு, நீண்ட நாட்கள் பேரவைத் தலைவர் பதவியை வகித்தவன் என்ற பெருமையை எனக்கு மாண்புமிகு அம்மா அவர்கள் வழங்கினார்கள். இதனை நினைக்கும்போது எனது நெஞ்சம் நெகிழ்கிறது.

இந்தச் சூழ்நிலையில், கடந்த ஆறு மாத காலமாக உடல்நிலை சரியில்லாமல் இருக்கும் என்னை அனைத்திந்திய அண்ணா திராவிட முன்னேற்றக் கழகத்தின் சார்பில் யாரும் வந்து பார்க்கவோ, தொலைபேசி மூலம் விசாரிக்கவோ இல்லை.

இந்தத் தருணத்தில், 1988 ஆம் ஆண்டு எனக்கு விபத்து காரணமாக கால் முறிவு ஏற்பட்டபோது சம்பவ இடத்திற்கு நேரில் வந்து எனக்குத் தேவையான முதலுதவியை அளித்து என்னை மருத்துவமனைக்கு அனுப்பி வைத்த மாண்புமிகு அம்மா அவர்களை நினைத்துப் பார்த்தேன். என் கண்களில் நீர் ததும்புகிறது. அந்தத் தாயின் கருணைக்கு என்னுடைய கோடானுகோடி நன்றிகள். தாயில்லாத நிலையை நான் இப்போது உணர்கிறேன்.

வருகின்ற சட்டமன்றத் தேர்தலில் போட்டியிட நான் வாய்ப்பு கேட்டேன் என்பது உண்மை. ஆனால், எனக்கு வாய்ப்பு கொடுக்கப்படவில்லை. இதில் எனக்கு வருத்தம் ஏதுமில்லை.

உடல் நலம் குன்றியிருக்கும் என்னை வந்து பார்க்கவில்லை என்பதுதான் எனக்கு வருத்தம் அளிக்கிறது. இதனால் ஏற்பட்ட விரக்தியில்தான் என்னுடைய மகன் திரு. லோகேஷ் தனபால் அவர்கள் தமிழக வெற்றிக் கழகத்தில் இணைந்து, தற்போது ராசிபுரம் சட்டமன்றத் தொகுதி வேட்பாளராக நியமிக்கப்பட்டுள்ளார்.

என்னைப் பொறுத்த வரையில், எனக்கு ஆதியும், அந்தமும் அனைத்திந்திய அண்ணா திராவிட முன்னேற்றக் கழகம்தான்".

​Disclaimer :- This story is generated by computerised program and has not been created or edited by Daily Mail Hub. Publisher : VIGADAN

The post எல்.முருகனுக்கு அவிநாசி தொகுதி; ‘வாய்ப்பு கேட்டேன்தான்; யாரும் வந்து பார்க்கவில்லை’- தனபால் குமுறல் first appeared on Daily Mail Hub .

கன்னியாகுமரி மாவட்டதில் தமிழக - கேரள எல்லையில் அமைந்துள்ள விளவங்கோடு தொகுதியில் கடந்த மூன்று பொதுத்தேர்தல்களில் காங்கிரஸ் சார்பில் விஜயதரணி வெற்றிபெற்றார். விஜயதரணி பா.ஜ.க-வில் இணைந்ததுடன் தனது எம்.எல்.ஏ பதவியையும் ராஜினாமா செய்தார். இதையடுத்து 2024-ம் ஆண்டு நடைபெற்ற இடைத்தேர்தலில் காங்கிரஸ் சார்பில் போட்டியிட்ட தாரகை கத்பர்ட் வென்றார். கன்னியாகுமரி மாவட்டத்தில் குளச்சல், கிள்ளியூர், விளவங்கோடு ஆகிய 3 தொகுதிகளும் காங்கிரஸ் வசம் உள்ளன. குளச்சல் தொகுதியில் பிரின்ஸ், கிள்ளியூரில் ராஜேஷ் குமார், விளவங்கோட்டில் தாரகை கத்பர்ட்டும் எம்.எல்.ஏ-க்களாக உள்ளனர். இந்த நிலையில் நடைபெற உள்ள 2026 சட்டசபை பொதுத்தேர்தலில் போட்டியிட உள்ள வேட்பாளர்கள் பட்டியலை காங்கிரஸ் வெளியிட்டுள்ளது. கிள்ளியூர் தொகுதியில் தொடர்ச்சியாக இரண்டுமுறை எம்.எல்.ஏ-வாக இருக்கும் ராஜேஷ்குமாருக்கு மூன்றாவது முறையாக வாய்ப்பு வழங்கப்பட்டுள்ளது. கன்னியாகுமரி மாவட்டத்தில் குளச்சல் எம்.எல்.ஏ பிரின்ஸுக்கு மீண்டும் வாய்ப்பு வழங்கப்படவில்லை. தொடர்ச்சியாக மூன்று முறை வென்று எம்.எல்.ஏ-வாக உள்ள பிரின்ஸுக்கு நான்காவது முறையாக வாய்ப்பு வழங்கக் கூடாது என கட்சிக்குள்ளேயே எதிர்ப்பு கிளம்பியது. அதனால் பிரின்ஸுக்கு இந்தமுறை வாய்ப்பு மறுக்கப்பட்டதாக கூறப்படுகிறது. 

விளவங்கோடு சிட்டிங் எம்.எல்.ஏ தாரகை கத்பர்ட் குளச்சல் தொகுதி வேட்பாளராக அறிவிக்கப்பட்டுள்ளார். தாரகை கத்பர்ட் எம்.எல்.ஏ-வாக உள்ள விளவங்கோடு தொகுதியில் டி.டி.பிரவீன் காங்கிரஸ் வேட்பாளராக அறிவிக்கப்பட்டுள்ளார். டி.டி.பிரவினுக்காக தாரகை கத்பர்ட் குளச்சலுக்கு நகர்த்தப்பட்டுள்ளதாக தகவல் வெளியாகி உள்ளது. டி.டி.பிரவீன் தென் கேரளா சி.எஸ்.ஐ சபை செயலாளராக உள்ளார். இதற்கு முன்பு பங்குபேரவை கமிட்டி உறுப்பினராகவும், காரக்கோணம் சி.எஸ்.ஐ மருத்துவக் கல்லூரி கண்காணிப்புக்குழு உறுப்பினராகவும், பங்குபேரவை நிர்வாகக்குழு செயலாளராகவும் பதவி வகித்திருக்கிறார். கேரளாவில் முழுமையாக செயல்படும் டி.டி.பிரவீனுக்கு கன்னியாகுமரி மாவட்டத்தில் வேட்பாளராகும் வாய்ப்பு கிடைத்தது எப்படி என காங்கிரஸ் வட்டாரத்தில் விசாரித்தோம். இது குறித்து விவரப்புள்ளிகள் கூறுகையில், "டி.டி.பிரவீன் கேரளா எல்லையில் உள்ள காரக்கோணம் கிராமத்தைச் சேர்ந்தவர். காரக்கோணம் கிராமத்தில் ஒரு பகுதி கேரளாவிலும், மற்றொரு பகுதி தமிழ்நாட்டிலும் வருகிறது. டி.டி.பிரவீனுக்கு தமிழ்நாட்டில் முகவரி, வாக்கு போன்றவை இருந்தாலும், அவரது செயல்பாடுகள் முழுவதும் கேரளாவில் உள்ளது.

கேரள மாநில சட்டசபை தேர்தல் வரும் 9-ம் தேதி நடைபெற உள்ளது. 2 முறை தொடர்ச்சியாக சி.பி.எம் அங்கு ஆட்சியை பிடித்ததால், இந்த முறை எப்படியாவது ஆட்சி அதிகாரத்துக்கு வந்துவிட வேண்டும் என காங்கிரஸ் விரும்புகிறது. அங்கு சிறுபான்மையினர் வாக்குகள்தான் வெற்றியை நிர்ணயிக்கும் நிலை உள்ளது. எனவே, தென் கேரளாவில் உள்ள அத்தனை தொகுதிகளிலும் காங்கிரஸை ஆதரிக்க வேண்டும் என்றால் டி.டி.பிரவீனை விளவங்கோடு தொகுதியில் காங்கிரஸ் வேட்பாளராக அறிவிக்க வேண்டும் என சி.எஸ்.ஐ பேராய நிர்வாகத்தில் இருந்து டெல்லிக்கு அழுத்தம் கொடுக்கப்பட்டிருக்கிறது. அதிலும் அகில இந்திய காங்கிரஸ் பொதுச்செயலாளராக உள்ள கேரளத்தைச் சேர்ந்த கே.சி.வேணுகோபால் மூலமே நெருக்கடி கொடுக்கப்பட்டுள்ளது" என்றனர் விரிவாக.

​Disclaimer :- This story is generated by computerised program and has not been created or edited by Daily Mail Hub. Publisher : VIGADAN

The post கேரள சி.எஸ்.ஐ நிர்வாகி விளவங்கோடு வேட்பாளராக அறிவிப்பு – பின்னணியில் கே.சி.வேணுகோபால்? first appeared on Daily Mail Hub .